मी तू पण गेले बुद्धाच्या वाटेवर 
शोधले मी मलाच नव्याने आज बुद्धाच्या वाटेवर

प्रज्ञा, शील,करुणा, शांती बुद्धाच्या वाटेवर 
काम, क्रोध,अहंकार गळून पडले बुद्धाच्या वाटेवर

दु:खाचे 'कारण' उमगले बुद्धाच्या वाटेवर
सत्य पाहण्याची सम्यक दृष्टि बुद्धाच्या वाटेवर

मन,चित्त झाले शुद्ध आज बुद्धाच्या वाटेवर
वैज्ञानीक दृष्टिकोण मिळाला मज बुद्धाच्या वाटेवर

सम्राट,अजातशत्रु आले बुद्धाच्या वाटेवर
रावणही झाला प्रबुद्ध या बुद्धाच्या वाटेवर

एक दिवस 'मनु'लाही यावे लागेल अखेर बुद्धाच्या वाटेवर
कारण अवघे जग आहे आज बुद्धाच्या वाटेवर !!

पावसावर बोलू काही !!

पावसावर बोलू काही !!

काल पाऊस निनादत आला
पांघरुनी गर्द हिरवा शेला
निसर्गही बहरुनी गेला

भिजते झाड, इमारत अन झोपडे
त्याला नसते तमा, तुम्ही सरळ की वाकडे
तो बरसतो शेतात,अंगणात, अन टेरेसवरही
तो बरसतो तसाच भारत,चीन,अन पाकवरही

त्याला नसतात कशाच्या सीमा
हा उच्च तो नीच,हा काळा तो गोरा
हा देशी तो विदेशी, हा घाटी तो बिहारी
हि असते आपल्या कौर्याची परिसीमा

बरे झाले 'देव' नाही
तो निसर्ग आहे
त्यावरही 'हक्क' सांगण्याची
बडव्यांची दृष्टि वक्र आहे
अरे गबाळ्यांनो यज्ञ-यागाने येईल तो कसा?
हे निसर्ग चक्र आहे.

-मिलिंदा (०३-०७-२०१२)

 —